Sońǵy qońyraýdyń aýysýyna baılanysty UBT ótetin kúnder ózgertildi
ASTANA. KAZINFORM — 23 jáne 24 mamyrǵa josparlanǵan UBT ótkizý kúnderine ózgeris engizildi, dep habarlaıdy Ulttyq testileý ortalyǵy.
— Sońǵy qońyraý kúniniń aýysýyna baılanysty 23 jáne 24 mamyrǵa josparlanǵan UBT ótkizý kúnderi de ózgertildi. 23 mamyrǵa ótinish bergen talapkerler UBT-ny 25 mamyrda tapsyrady. 24 mamyrǵa tirkelgen talapkerler UBT-ny 1 maýsymda tapsyrady. Testileýdiń jańa kúni týraly aqparat app.testcenter.kz saıtyndaǵy sizdiń jeke kabınetińizde avtomatty túrde jańartylady. Sonymen qatar, sizge SMS-habarlama jiberiledi. Sońǵy qońyraýǵa jáne aldaǵy UBT-ǵa daıyndyqta sáttilik tileımiz! — delingen ortalyqtyń habarlamasynda.
Buǵan deıin 2025 jylǵy negizgi UBT-ǵa ótinishter qabyldaý aıaqtalǵany málim boldy.
Al Ǵylym jáne joǵary bilim mınıstri Saıasat Nurbek Májilistegi baspasóz máslıhatynda UBT tapsyratyn oryndardyń tapshylyǵy týraly málimetterdi teriske shyǵardy.