Sońǵy qońyraý: Oqý-aǵartý mınıstri ata-analarǵa úndeý jasady
ASTANA. KAZINFORM – Sońǵy qońyraý kezinde ata-analar mekteptegi merekelik is-sharalarǵa shyǵyndalyp, balalardy ysyrapqa úıretpeýi kerek. Bul týraly Oqý-aǵartý mınıstri Ǵanı Beısembaev málim etti.
- Sońǵy qońyraý 25 mamyr bolyp qalady, ol tıisti buıryqta tur. Biz balalarymyzǵa aqshany orynsyz jumsaýǵa úıretpeýimiz kerek. Óıtkeni mektep – tárbıe ortasy, óskeleń urpaqqa úlgi. Qazir ata-analar meıramhana men dámhana izdep áýre bolyp júrse, onda biz qandaı urpaq ósiremiz? Sondyqtan qarapaıym jáne únemdi bolǵan jón. Barlyq qarajatty meıramhanalarǵa emes, balalardyń ál-aýqatyna jumsaǵan durys. Al jınaǵan aqshany meıramhanalarǵa shashý – balalardyń bolashaǵy men ál-aýqatyna teris áser etedi, - dedi Ǵ.Beısembaev Májilistiń jalpy otyrysynan keıin tilshiler suraǵyna jaýap bere otyryp.
Eske salsaq, byltyr el mektepterinde sońǵy qońyraý 25 mamyrda soǵyldy.
Onyń aldyndaǵy jyly oqýshylardyń sońǵy qońyraý merekesi 1 maýsymda ótetini aıtylǵan edi.