Sońǵy qońyraý: ysyrapshyldyqqa jol joq — mınıstrlik talap qoıdy
ASTANA. KAZINFORM — Mektep bitirý keshteri talaptarǵa saı uıymdastyrylý kerek. Bul týraly QR Oqý-aǵartý mınıstrliginińi mamany Jibek Joly arnasynyń «Búgin LIVE» baǵdarlamasyna bergen suhbatynda habarlady.
— 25 mamyrda oqý jyly aıaqtalady. Soǵan oraı mektepte uıymdastyrylatyn is-sharalardyń mán-mazmuny qandaı bolý kerektigi týraly naqty talaptar bar. Bul talaptar «Zań men tártip» qaǵıdaty aıasynda «Adal adam, adal azamat, adal tabys, adal eńbek» qaǵıdattary aıasynda uıymdastyrylýy kerek. ıAǵnı saltanatty is-sharalarda ysyrapshyldyqqa, balanyń ómiri men densaýlyǵyna qaýip tóndiretin qandaı da bir jaǵdaılardy shektep, tyıýymyz kerek. Arnaıy merekelerdi uıymdastyratyn agenttikter, aqyly ártisterdi shaqyrý, anımatorlardy jaldaý syndy dúnıelerge tyıym salynady, — deıdi Tárbıe jumysy jáne qosymsha bilim departamentiniń bas sarapshysy Jibek Nurjan.
Stýdııa qonaǵy mektep keshterin uıymdastyrýǵa qatysty birneshe usynys aıtty.
— 11 jyldyq mektepti aıaqtaý — erekshe sát. Osyndaı jaǵdaıda este qalarlyqtaı ótkizý úshin ózara kitap almasýdy usynamyz. Qaıyrymdylyq is-sharalary, tabıǵatqa qamqorlyq, túlekterdiń aǵash egýi, oqýshylardyń 10 jyldan keıingi ózine hat jazyp qaldyrýy syndy tájirıbelerdi keńinen taratqymyz keledi. Sol arqyly túlekterimizdi ózi bilim alǵan mektebinen ajyramaýǵa, onyń damýyna úles qosýǵa shaqyramyz, — deıdi ol.
Aıta keteıik, buǵan deıin mınıstrlik bitirý keshterin bilim berý uıymdarynan tys jerlerde uıymdastyrýǵa bolmaıtynyn habarlaǵan edi.
