Sońǵy qońyraý: Elimizde 3,8 mln bala oqý jylyn aıaqtaıdy

ASTANA. KAZINFORM – Bıyl 3,8 mln oqýshy kezekti oqý jylyn aıaqtaıdy. Jyl qorytyndysy týraly Oqý-aǵartý mınıstri Ǵanı Beısembaev Úkimet otyrysynda baıandady.

Onyń aıtýynsha, bastaýysh synypty 374 myń, negizgi mektepti – 341 myń bala támamdaıdy jáne 186 myń túlek mektep qabyrǵasynan túlep ushady.

7 704 jas túlek «Altyn belgige» úmitker.

«Mektep túlekterine arnalǵan «Mektebim, saǵan myń alǵys!» atty saltanatty is-shara 25 mamyrda ótedi. Attestattardy tabystaý rásimi 12-15 maýsym aralyǵyna belgilendi. 9 jáne 11-synyp bitirýshileriniń qorytyndy emtıhandary 29 mamyr-11 maýsym kúnderi ótedi», - dedi Ǵ. Beısembaev.

Sondaı-aq, bıyl alǵash ret 5-8, 10-synyptarda qazaq tilin meńgerýdi baǵalaý maqsatynda qazaq tilinde jáne basqa tilde oqytatyn mektepterdiń bilim alýshylary úshin aralyq emtıhandar ótkiziledi.