Sońǵy qońyraý: 2026 jyly qaı tanymal sportshylar mektep bitirdi

Elimizdegi barlyq mektepte 2025–2026 oqý jyly aıaqtalýǵa jaqyn. Bıyl 3,9 mıllıonnan astam oqýshy oqý jylyn aıaqtasa, olardyń 215 myńnan astamy — 11-synyp túlekteri.

Túlekter qatarynda sportshylar da bar. 2008 jáne 2009 jyly týǵan jasóspirimder mektepti támamdap, attestat aldy. Bul túlekterdiń ereksheligi — olardyń kóbi oqýyn eresekter arasyndaǵy jarystarǵa daıyndyqpen qatar alyp júrdi jáne 2026 jyly Dakarda ótetin Jasóspirimder Olımpıadasyna joldama alý úshin baq synady. Sol sebepti olardyń barlyǵy birdeı sońǵy qońyraý saltanatyna qatysa almady.

Dastan Sátpaev 

17 jastaǵy «Qaırat» klýby men Qazaqstan quramasynyń shabýylshysy Dastan Sátpaev sońǵy qońyraý saltanatynda qatarlastarynan erekshelendi. Ol №31 mekteptegi sharaǵa dástúrli «Túlek-2026» lentasy taǵylǵan aq tústi keń pishimdi jeıdemen jáne gúl shoǵymen keldi.

Dastan mektep sahnasyna shyǵyp, túlekterge arnap quttyqtaý sóz sóıledi. Ol mektep bitirýshilerge aq jol tilep, ustazdary men sport pen oqýdy qatar alyp júrýge múmkindik bergen akademııaǵa alǵysyn bildirdi.

Jeli qoldanýshylary ázil-shyny aralas pikirler jazyp, «sońǵy qońyraýǵa deıin-aq Chempıondar lıgasynyń ánuranyn estip úlgerdi» dep atap ótti.

Almatylyq «Qaırattyń» jáne Qazaqstan jastar quramasynyń shabýylshysy búginde álem fýtbolynyń nazaryn ózine aýdarǵan jas talanttardyń biri sanalady. Tanymal Score 90 analıtıkalyq platformasy ony óz jasyndaǵy álemniń úzdik bes fýtbolshysynyń qataryna qosty. Oıyn máneri úshin «Bebı Agýero» degen laqap atqa ıe bolǵan Sátpaevtyń transferin Londonnyń «Chelsı» klýby kelisip qoıǵan.

Roman Chernomorets pen Kamıl Gaınýllın

«Qaırat» akademııasynyń baspasóz qyzmeti akademııa tárbıelenýshileri men jasóspirimder quramasynyń oıynshylary, sonyń ishinde Roman Chernomorets pen Kamıl Gaınýllınniń Almatydaǵy sońǵy qońyraý saltanattaryna birge qatysqanyn habarlady. Olardyń merekelik sharadan túsken fotosýretteri klýbtyń áleýmettik jelidegi paraqshalarynda jarııalanǵan.

Kamıl Gaınýllın men Roman Chernomorets – Qazaqstannyń 17 jasqa deıingi jasóspirimder quramasynyń fýtbolshylary. Olar quramamen birge jasóspirimder arasyndaǵy Eýropa chempıonatynyń elıtalyq kezeńine joldama alyp, tarıhı nátıjege qol jetkizdi. Jas sportshylar mektep bitirý emtıhandaryn «Qaırat» fýtbol klýby akademııasyndaǵy qarqyndy jattyǵý kestesimen qatar alyp júrdi.

ıÝlııa Feklıstova 

Frıstaıl-mogýldan jasóspirimder arasyndaǵy álem chempıonatynyń kúmis júldegeri ıÝlııa Feklıstova 2026 jyly týǵan qalasy Óskemendegi mektepti támamdady.

Sońǵy qońyraý saltanatynan taraǵan kadrlarda sportshynyń klassıkalyq ári jınaqy obraz tańdaǵany baıqaldy. ıÝlııa aq-qara tústi kostıým kıip, esimi jazylǵan túlekter lentasyn taqqan. Sondaı-aq ol dástúrli shash úlgisinen bas tartyp, dred stılindegi órimderdi tańdaǵan.

17 jastaǵy ıÝlııa Feklıstova búginde Qazaqstandaǵy qysqy sporttyń bolashaǵynan zor úmit kúttiretin sportshylardyń biri sanalady. Ol frıstaıl-mogýldan jasóspirimder arasyndaǵy álem chempıonatynda júldege ıe bolyp úlgergen. Aldyn ala málimetterge sáıkes, 2026/27 jylǵy maýsymda Feklıstova Qazaqstannyń eresekter quramasyna qosylýy múmkin.

Asan Asylhan 

Frıstaıl-akrobatıkadan jasóspirimder arasyndaǵy álem chempıony Asan Asylhan 2026 jyly mektepti támamdap, túlek atandy.

16 jasynda ol Mılanda ótken 2026 jylǵy qysqy Olımpıada oıyndarynda Qazaqstannyń eresekter quramasy sapyndaǵy eń jas sportshy retinde tarıhqa endi.

Olımpıadaǵa daıyndyq pen halyqaralyq jarystardyń tyǵyz kestesine baılanysty Asan oqýyn jeke baǵdarlama boıynsha jalǵastyryp, sport pen bilimdi qatar alyp júrdi. 2026 jyldyń kókteminde ol oqý jylyn sátti aıaqtap, mekteppen qoshtasty.

Dakardaǵy 2026 jylǵy Olımpıadaǵa úmitker túlekter

Qazirgi ýaqytta 2026 jyly Dakarda ótetin jasóspirimder Olımpıadasyna qatysýshylardyń tolyq tizimi jarııalanǵan joq. Degenmen bıyl mektep bitirgen túlekterdiń arasynda aldaǵy ýaqytta el namysyn halyqaralyq arenada qorǵaıtyn sportshylardyń bary anyq.

Olardyń qatarynda jeńil atletter Beıbarys Batyruly (2008 jyly týǵan) men Tatıana Ivanıshko (2009 jyly týǵan), sondaı-aq boksshylar Vladıslav Samojonov, Abzal Serik jáne Erasyl Ermek bar. Budan bólek, jankúıerler qaýymy áli keńinen tanı qoımaǵan, biraq bolashaǵynan zor úmit kúttiretin jas sportshylar da az emes.

Budan buryn bıyl mektep túlekterine qandaı shekteý qoıylatyny habarlandy.