Sońǵy eki jylda Qazaqstanda 17 ken orny ashylǵan
ASTANA. KAZINFORM – Qazaqstanda sońǵy eki jyldyń qorytyndysy boıynsha 17 ken orny ashyldy. Bul týraly ónerkásip jáne qurylys vıtse-mınıstri Iran Sharhan málimdedi.
Vıtse-mınıstrdiń aıtýynsha, elde jer qoınaýyn geologııalyq turǵydan zertteý boıynsha belsendi jumys jalǵasyp jatyr jáne bul naqty nátıje bere bastady.
– Byltyrǵy jáne sońǵy eki jyldyń qorytyndysy boıynsha 17 ken orny ashyldy. Qazirgi ýaqytta biz negizgi kórsetkishter boıynsha jaqsy ósimdi baıqap otyrmyz, – dedi vıtse-mınıstr dedi vıtse-mınıstr elordada Geoscience & Exploration Central Asia halyqaralyq forýmynda.
Sondaı-aq ol Qaraǵandy oblysynda sırek jer elementteri boıynsha joǵary áleýet baryn atap ótti.
– Áńgime lantanoıdtar sııaqty elementter týraly bolyp otyr. Qazirgi kezde olardy qosymsha zertteý boıynsha belsendi jumystar júrgizilýde. Ári qaraı ıgerý úshin ınvestıtsııalar men zamanaýı tehnologııalar tartylyp jatyr, – dep tolyqtyrdy spıker.
Onyń aıtýynsha, bul nysan perspektıvaly oryn retinde qarastyrylyp otyr jáne eldiń memlekettik geologııalyq zertteýleriniń mańyzdy nátıjeleriniń birine aınalýy múmkin.
Buǵan deıin Iran Sharhan Qazaqstanda qansha paıdaly qazba qory bar ekenin aıtqan edi.
Elimizde geologııalyq barlaýǵa salynǵan ınvestıtsııa kólemi 433 mlrd teńgege jetti.
