Sońǵy eki aıda sý qoımalaryna 1,7 tekshe shaqyrym sý jınalǵan

ASTANA. KAZINFORM – Batys Qazaqstan oblysyndaǵy Pıatımar sý qoımasynan Kóshimniń tómengi saǵalaryna sý jiberilip jatyr. Bul jaıynda Sý resýrstary jáne ırrıgatsııa mınıstrliginiń resmı ókili Móldir Ábdýalıeva ortalyq kommýnıkatsııalar qyzmetinde ótip jatqan baspasóz máslıhatynda málim etti.

- Byltyr tasqyn sýdy saýatty bólýdiń arqasynda qoımalar sýǵa toltyryldy, sharýalarǵa qajet kólemde sý jınaldy jáne dıhandar sýarmaly sýmen tolyq qamtamasyz etildi. Mınıstrlik tapsyrmasy boıynsha Batys Qazaqstan oblysyndaǵy kólder júıesine tasqyn sý jiberile bastady. Atap aıtqanda, oblystaǵy Qazsýshar fılıaly Pıatımar sý qoımasynan Kóshim ózeniniń tómengi aǵysynda ornalasqan kólderge sý jiberip jatyr. Qalǵan óńirler ázirge sý jınaý rejıminde jumys istep jatyr. 1 aqpannan beri búgingi kúnge deıin elimizdiń sý qoımalaryna 1,7 mlrd tekshe metr tasqyn sý jınaldy, - dedi Móldir Ábdýalıeva.

Sondaı-aq, ol óńirde Úlken jáne Kishi ózenderinde sý qoımalaryn salýǵa daıyndyq bastalyp ketkenin aıtty.

- Sonymen birge Bitik, Dóńgelek jáne Pıatımar sý qoımalaryn rekonstrýktsııalaý jumysyna daıyndyq júrgizilip jatyr, - dedi resmı ókil.

Buǵan deıin vedomstvo Qazaqstan kórshi eldermen tasqyn qaýpi týraly qalaı málimet almasatynyn túsindirgen bolatyn.