Sońǵy aptada kókónis arzandap, nan baǵasy ózgerissiz qaldy
ASTANA. KAZINFORM — Áleýmettik mańyzy bar azyq-túlik taýarlarynyń baǵa ındeksi bir aptanyń ishinde ózgerissiz qaldy, al jyldyq mánde 0,1% tómendedi. Bul jaıynda ulttyq statbıýrodan habarlandy.
Bir aptanyń ishinde kókónister baǵasy aıtarlyqtaı tómendese, nan men un baǵasy ózgerissiz qalǵan.
QR boıynsha áleýmettik mańyzy bar keı taýarlardyń ortasha baǵasy:
Rojkı — 318 tg/kg
Sút 2,5% — 398 tg/l
Qyryqqabat — 127 tg/kg
Áleýmettik mańyzy bar azyq-túlik taýarlarynyń tizbesine 19 taýar kiredi. Baǵa ózgerisi týraly kórsetkishter apta saıyn jańaryp otyrady.
Baǵa ózgerisi týraly aqparat barlyq oblys ortalyǵynan, respýblıkalyq mańyzy bar qalalardan jáne astanadan jınalady.
Ol úshin eldimekenniń ártúrli bólikterinde ornalasqan taýarlardyń keń assortımenti bar ártúrli tıptegi saýda obektileri (gıpermarketter, sýpermarketter, dúkender, kommýnaldyq bazarlar, áleýmettik dúkender men pavılondar) tańdalady.
