Sońǵy aptada qaraqumyq, irimshik pen kókónis birshama arzandady
ASTANA. KAZINFORM — Ulttyq statıstıka bıýrosy azyq-túlik baǵasyndaǵy ózgeris jaıly aqparat taratty.
Áleýmettik mańyzy bar azyq-túlik taýarlarynyń baǵa ındeksi bir aptanyń ishinde de, jyldyq mánde de ózgerissiz qaldy.
Bir aptanyń ishinde qaraqumyq, irimshik jáne kókónis baǵasy arzandaǵan.
QR boıynsha áleýmettik mańyzy bar keı taýarlardyń ortasha baǵasy:
Kúrish — 478 tg/kg
Aıran 2,5% — 428 tg/l
Qumsheker — 411 tg/kg
Áleýmettik mańyzy bar azyq-túlik taýarlarynyń tizbesine 19 taýar kiredi. Baǵa ózgerisi týraly kórsetkishter apta saıyn jańaryp otyrady.
Baǵa qymbattaǵany ne arzandaǵany týraly aqparat barlyq oblys ortalyǵynan, respýblıkalyq mańyzy bar qalalardan jáne astanadan jınalady.
Ol úshin eldimekenniń ártúrli bólikterinde ornalasqan taýarlardyń keń assortımenti bar ártúrli tıptegi saýda obektileri (gıpermarketter, sýpermarketter, dúkender, kommýnaldyq bazarlar, áleýmettik dúkender men pavılondar) tańdalady.
