Sońǵy 7 jylda alǵash ret jańa baspana baǵasy arzandady - statıstıka

Qazaqstanda jańa turǵyn úı aıtarlyqtaı arzandady, dep habarlaıdy Kazinform Birinshi kredıt bıýrosyna silteme jasap.

Qarashada jańa páterdiń 1 sharshy metri 491 myń 985 teńge boldy.

Bul qazanmen salystyrǵanda 0,7%-ǵa tómen.

Ulttyq statıstıka bıýrosynyń málimetinshe, baspana baǵasynyń arzandaýy sońǵy 7 jylda bolmaǵan.

«Arzandaý ásirese Almaty, (1,6%), Aqtóbe, (2,8%) jáne Shymkent (3,4%) qalasynda baıqalady. Turǵyn úıdi jalǵa alý qymbattady. Jalpy el boıynsha kórsetkish 4828 teńgege jetti. Bul osydan bir aı burynǵymen salystyrǵanda 0,2%-ǵa joǵary. Páter jaldaýda eń qymbaty Almatyda, sharshy metri — 5470 teńge», — delingen habarlamada.