Sońǵy 5 jylda jasóspirimder arasyndaǵy qylmys 30 paıyzǵa tómendedi - ІІM

ASTANA. KAZINFORM – Sońǵy 5 jylda jasóspirimder arasyndaǵy qylmys 30 paıyzǵa tómendedi. Bul týraly ІІM Ákimshilik polıtsııa komıtetiniń basqarma bastyǵy Áset Ospanov aıtty.

- Memlekettik organdarmen birlesip qabyldanatyn sharalardyń nátıjesinde sońǵy 5 jylda jasóspirimder arasyndaǵy qylmys 30 paıyzǵa, ótken jyly 3 paıyzǵa tómendedi. Zańnamany jetildirý boıynsha sharalar turaqty negizde qoldanylady. Ótken jyly kámeletke tolmaǵandarǵa qarsy qylmystar úshin qylmystyq jáne ákimshilik jaýapkershilikti kúsheıtetin zańnamalyq túzetýler qabyldandy, - dedi ol mınıstrliktiń baspasóz qyzmeti alańynda ótken brıfıngte.

Onyń atap ótýinshe, atalǵan zańnamalyq túzetýler aıasynda balalarǵa qatysty zorlyq-zombylyq úshin tatýlasý alynyp tastaldy. Kámeletke tolmaǵandardy zorlaǵany úshin ómir boıyna bas bostandyǵynan aıyrý, kámeletke tolmaǵandarǵa jynystyq sıpatta tıiskeni úshin qylmystyq jaýapkershilik engizildi.

- Nátıjesinde bıyl kámeletke tolmaǵandardyń jynystyq tıispeýshiligine qarsy jasalatyn qylmystar sany 21 paıyzǵa tómendedi. Sondaı-aq býllıng úshin ákimshilik jaýapkershilik engizildi. Ótken jyldan bastap 247 buzýshy jaýapkershilikke tartyldy, - dedi Áset Ospanov.

Osyǵan deıin ІІM sheteldik áriptesterimen júrgizgen operatsııa barysynda 300-ge jýyq qylmysker ustalǵanyn jazdyq.