Sońǵy 5 jylda Qyzylordada sottalǵandar sany 57,5%-ǵa ósken
QYZYLORDA. KAZINFORM — Qyzylorda oblysynda qylmystyq atqarý júıesine qarasty 3 mekeme bar. Olarda 1400-ge jýyq adam jazasyn ótep jatyr.
Statıstıkalyq málimetke súıensek, sońǵy 5 jylda óńirde jazasyn óteýshiler sany 57,5%-ǵa ósken.
Oblystyq prokýratýra bul məseleniń sheshimi retinde sottalǵandardy shartty túrde merziminen buryn bosatý, jazany jeńil túrge aýystyrý múmkin bolmaǵan jaǵdaıda qaýipsizdigi barynsha tómen mekemelerge aýystyrýdy usynyp otyr.
— Bul mekemeden shyqpaı-aq zalaldy óteýge jáne sottalǵan adamnyń qoǵamǵa beıimdelýine múmkindik beredi. Qazirgi kúni qaýipsizdigi barynsha tómen mekemede jumyspen qamtylǵandar sany 81% shamasynda, — dedi oblys prokýrory Rızabek Ojarov.
Qylmystyq kodekske engizilgen ózgerister aıasynda «zakladchıkterdiń» jazasy tómendep, esirtki óńdeýshilerge qatysty jaza kúsheıdi. Osyǵan oraı № 60 mekemedegi 142 adam jazasyn óteý merziminiń aıaqtalýyna baılanysty bosatylsa, 136 adamnyń jazany óteý merzimi edáýir qysqarmaq.
Buǵan deıin Іshki ister mınıstrligi eldegi túrme rejımi eń jıi buzylatyn mekemelerdi atap kórsetti.
