Sońǵy 3,5 jylda jol jóndeý salasynda 65 sybaılas jemqorlyq deregi anyqtaldy

Bıylǵy mamyr aıynda Qazaqstan Respýblıkasynyń Prezıdenti Qasym-Jomart Toqaev otandyq joldardyń sapasyzdyǵyn atap ótti. Osyǵan baılanysty Sybaılas jemqorlyqqa qarsy is-qımyl agenttigi men Úkimetke osy saladaǵy jemqorlyq kórinisterin joıý tapsyryldy.

Jartyjyldyq keńeıtilgen alqa otyrysynda Sybaılas jemqorlyqqa qarsy qyzmettiń basshysy A. Jumaǵalı jol salasyndaǵy jemqorlyq táýekelderine syrtqy taldaý bastalǵanyn atap ótti.

Eń aldymen, jumystardy josparlaýdan bastap olardy qabyldaýǵa deıingi barlyq qurylys protsesteri zerdelenetin bolady, NQA men QNjE jemqorlyq normalaryna, olqylyqtarǵa tekserý júrgizildi.

Agenttiktiń qylmystyq-quqyqtyq tájirıbesi kórsetkendeı, JSQ qunyn asyra baǵalaý oryn alýdyn jáne sapasyz materıaldar, jabdyqtar men tehnologııalar paıdalanylatynyn kórsetedi.

Jumysty tolyq kólemde oryndamaıtyn úlestes jáne josyqsyz kompanııalar tartylǵan.

Jalpy, sońǵy 3,5 jylda Sybaılas jemqorlyqqa qarsy qyzmet 65 jemqorlyq quqyq buzýshylyqty tirkedi, olar boıynsha zalal shamamen 9 mlrd teńgeni qurady.

Jumystyń ekinshi baǵyty - joldardyń aǵymdaǵy qurylysyna monıtorıng júrgizý.

Búkil el boıynsha 2 trln teńgeden astam qarjy bólingen 217 ýchaske qamtyldy.

Agenttiktiń erekshe baqylaýynda 12 aýqymdy joba bar. Olardyń árqaısysyna jergilikti jerlerde jumysty úılestiretin jaýapty tulǵalar bekitildi.

Barlyq óńirlerde qoǵam belsendileri, sondaı-aq osy saladaǵy sarapshylar kiretin monıtorıngtik toptar quryldy.

Qazirdiń ózinde taldaý barysynda buzýshylyqtar anyqtalýda. Máselen, 5 óńirde 4,8 mlrd teńge somasyna artyq jáne qaıtalama jumystardy qosý jolymen smetalardy asyra baǵalaý anyqtaldy, al 6 óńirde júrgiziletin jumystardy tıimsiz josparlaý belgilendi.

Mysaly, Abaı oblysynda 20 mln teńgege shuńqyrly jóndeý júrgizilgennen keıin, sol ýchaskede 1 mlrd teńgege aǵymdaǵy jóndeý júrgizilýde.

Kólik mınıstrliginiń Jol aktıvteriniń sapasy ortalyǵynyń jumysyna erekshe nazar aýdarylatyn bolady.

Tek 4 óńirde ǵana ortalyqpen 526 buzýshylyq anyqtaldy, olar keıinnen joıylmady.

Taldaý qorytyndylary týraly Prezıdent pen jurtshylyq habardar etiledi.