Sońǵy 3 jylda Shymkent ekonomıkasyna qansha ınvestıtsııa tartyldy
ASTANA. KAZINFORM — Shymkent qalasynyń ákimi Ǵabıt Syzdyqbekov Ortalyq kommýnıkatsııalar qyzmetinde ótken baspasóz konferentsııasynda megapolıstiń ınvestıtsııalyq saıasaty men óndiristik aımaqtardyń damý barysyn baıandady.
Ákimniń aıtýynsha, shaharda ınvestorlar tartý jáne turaqty jumys oryndaryn qurý maqsatynda jańa 2 óndiristik aımaqtyń qurylysy júrgizilip jatyr jáne 3 aımaq keńeıtilip jatyr. Atalǵan aımaqtarda jalpy quny 900 mlrd teńgeni quraıtyn 300 ınvestıtsııalyq joba iske asyrylyp, 13 myńǵa jýyq jańa jumys orny qurylady.
— Shymkentte Ońtústik óńirine logıstıkalyq jaǵynan tıimdi «Óńirlik hab» qurý jumystary jalǵasyp jatyr. Osy maqsatta Saýda-logıstıkalyq ortalyqty keńeıtý kelesi jyly aıaqtalady. Bul jobanyń júzege asýy óńirdiń azyq-túlik qaýipsizdigin qamtamasyz etip, bıznes pen saýdaǵa jańa múmkindikter ashady, — dedi óńir ákimi.
Sonymen qatar «Standart» jeke ındýstrııalyq aımaǵy iske qosyldy. Onda óndiristik ınfraqurylymmen qamtylǵan arnaıy shaǵyn óndiris alańdary salyndy.
— Sońǵy 3 jylda qala ekonomıkasyna 2 trln teńgeden astam ınvestıtsııa tartylǵan, onyń 75 paıyzy jeke sektordyń úlesi. Ortasha jyldyq ósim 11 paıyzdy qurady, — dep tolyqtyrdy ol.
Aldaǵy 5 jylda 6,6 trln teńge ınvestıtsııa tartý kózdelse, búginde jalpy quny 4,6 trln teńge bolatyn 221 joba boıynsha pýl jasaqtalǵan. Bul jobalar aıasynda 29 myńnan astam jumys orny qurylady.
— Astana qalasynda ótken ınvestıtsııalyq forým nátıjesinde qytaılyq Shaanxi Construction Engineering kompanııasymen 55 mlrd teńgege qýattylyǵy 24 MVt bolatyn qaldyqtardy jaǵý arqyly energııa óndirý jobasy kelisildi. Zaýytty salý úshin qoqys polıgony janynan 12 gektar jer bólindi, — dedi ákim.
Ákimniń aıtýynsha, elimizdegi úsh munaı óńdeý zaýytynyń biri ornalasqan Shymkentte munaı-hımııa salasyn damytý maqsatynda 2030 jylǵa deıin zaýyttyń óndiristik qýattylyǵy 6 mln tonnadan 12 mln tonnaǵa deıin ulǵaıtylady. Jobanyń aldyn ala quny shamamen 3 trln teńgeni quraıdy.
Buǵan deıin, Shymkentte sońǵy 3 jylda ónerkásip salasynda 2,5 myńnan astam jumys orny qurylǵanyn jazǵanbyz.