Sońǵy 10 jylda elimizde 1,6 mln-nan astam adam qan tapsyrǵan
ASTANA. KAZINFORM — Transfýzıologııa ǵylymı-óndiristik ortalyǵy qan donorlarynyń jas ereksheligi men quramyna qatysty málimet usyndy.
Ortalyqtyń deregine sáıkes, sońǵy on jylda qan tapsyrýǵa qatysqan azamattardyń arasynda er adamdardyń úlesi basym bolǵan.
— 2016–2026 jyldar aralyǵynda Qazaqstanda 1,6 mln-nan astam adam qan tapsyrdy. Osy kezeńde donorlardyń 72%-y — er adamdardy, 28%-y — áıel adamdardy qurady. Jas ereksheligi boıynsha donorlardyń eń úlken bóligin 31–50 jas aralyǵyndaǵy azamattar quraıdy (48%). Bul sanattaǵy adamdar qan tapsyrýǵa qoıylatyn talaptarǵa jıi sáıkes keledi, — dedi ortalyqtyń Qoǵammen baılanys jáne yntymaqtastyq bóliminiń basshysy Alma Demeýova.
Al 18–30 jas aralyǵyndaǵy azamattardyń úlesi — 38%. Mamannyń aıtýynsha, bul kórsetkish jastardyń erikti donorlyqqa qyzyǵýshylyǵy bar ekenin kórsetip otyr.
— 51 jastan asqan azamattardyń úlesi 14%-dy quraıdy. Bul jasta qan tapsyrý múmkindigi adamnyń jalpy densaýlyq jaǵdaıyna qaraı jeke baǵalanady, — dedi bólim basshysy.
Mamannyń sózinshe, donorlyqqa qatysý kezinde azamattyń qaýipsizdigimen qatar, qan quıylatyn naýqastyń densaýlyǵyn qorǵaý da basty nazarda bolady.
Aıta keteıik, Qazaqstanda 140 myńnan astam turaqty qan donory tirkelgen.
