Sonders revansh kezinde Golovkınge saq bolýdy eskertti

ASTANA. QazAqparat - Brıtandyq boksshy Bıllı Djo Sonders (26-0, 12 KO) qazaqstandyq  Gennadıı Golovkın (37-0-1, 33 KO) men meksıkalyq Saýl Alvarestiń (49-1-2, 34 KO) aldaǵy revanshyna qatysty pikir bildirdi, dep habarlaıdy Sports.kz.

«Jeke meniń pikirim, «Kanelo» Golovkınmen revansh aldynda óziniń boksyn jaqsartady dep oılamaımyn. Tóreshilerdiń hattaryna keler bolsaq... Túsinesizder ma, «Kanelo» kezinde Maıvezerdi «tonamaq» bolǵan - jalǵyz adam. Sondyqtan, Golovkındi ne kútip turǵanyn bilmeımin», - dedi Sonders Fighthype.com-ǵa bergen suhbatynda.

Eske salaıyq, Golovkın-Alvares revanshy aǵymdaǵy jyldyń 5 mamyrynda ótedi. 2017 jyldyń 16 qyrkúıeginde Las-Vegas qalasynda ótken alǵashqy kezdesýleri teń aıaqtaldy. Sonderstiń Fighthype.com-ǵa suhbatynda atap ótken «Kanelonyń» kishi-Floıd Maıvezermen (50-0, 27 KO) jekpe-jegi 2013 jyly boldy. Aıqas Sonderstiń paıdasyna tóreshilerdiń basym daýysymen aıaqtalǵan edi. Eki kartochkadaǵy upaı sandary 116-112, 117-117 boldy. Alaıda, úshinshi tóreshi jekpe-jekke aıaq asty 114-114 baǵasyn berdi.