Sonders Qazaqstanǵa kelgeni úshin 4 mln dollar alýǵa úmittengen
ASTANA. QazAqparat - Japondyq boksshy Rıota Mýranyń (12-0, 9 KO) promoýteri Bob Arým Boxingscene.com saıtyna brıtandyq Bıllı Djo Sonderspen (24-0, 12 KO) bolýy yqtımal jekpe-jektiń keıbir qarjylyq tustaryn aıtyp berdi, dep habarlaıdy Sports.kz .
Arýmnyń atap ótýinshe, olar Sonderske usynys jasaǵan, biraq Bıllı Djo qazaqstandyq Gennadıı Golovkınmen (37-0, 33 KO) kezdesýden anaǵurlym tıimdi sharttar bolatynyna úmittenip, oǵan jaýap qatpaǵan.
«Biz oǵan (Sonderske) Japonııaǵa kelgeni úshin 2 mln dollar usyndyq. Biraq ol usynysymyzdan bas tartyp, Qazaqstanǵa saparynan 4 mln alamyn dep oılady», - dedi Arým.
Eske salaıyq, Golovkın-Sonders aıqasy Astanada maýsym aıynda ótýi múmkin edi. Biraq qazaqstandyq boksshynyń jaraqatyna baılanysty onyń komandasy atalmysh kezdesýden bas tartyp, aǵymdaǵy jyldyń qyrkúıeginde meksıkalyq Saýl Alvarespen (49-1-1, 34 KO) ótetin jekpe-jekke jiti daıyndalýdy jón kórdi.
