Sonders: Golovkınmen kelisimshart aptanyń sońyna deıin jasalmasa, óz jolymmen ketemin
Sonders Gennadıı Golovkınmen judyryqtasýǵa daıyn ekenin, alaıda ózi qoıǵan talaptarǵa kelisse sharshy alańǵa shyǵatynyn málimdedi.
Sonders IFL.tv tilshisine bergen suhbatynda «Men Golovkındi óz aýlasynda jeńe alam ba, joq pa baǵamdap kórýim kerek. Eger olar 5-6 aptadan keıin jekpe-jek uıymdastyrǵysy kelse, kelisim bermeımin. Kóbi meniń nokaýtqa qulaǵanymdy kútedi. Meniń qanshalyqty myqty ekenimdi kóreıik. Qazir men jattyǵý jasap júrmin. Kelisimshart osy aptanyń sońyna deıin jasalmasa, óz jolymmen ketemin. Bıznestiń aty bıznes. Osy datada menimen jolyqqysy kelse, onda birge uıymdastyraıyq. Osyǵan deıin olardyń usynystary aqylǵa qonbaıtyn. Sondyqtan da, kelisim bermedim. Qazir usynys oıdaǵydaı. Men taǵy bir aı kútkim kelmeıdi. Olaı bolmasa, basqa jolmen ketemin. Eshqandaı boı qyzdyrý jekpe-jek bolmaıdy. Osy boks keshin uıymdastyraıyq», - dep atap ótti.
