Sonders Golovkınge sálemin joldady
«Menedjerimniń kelissózder týraly aıtqany meniń kóńilimnen shyqty. Men bul aıqastyń aqsha úshin emes, synaq úshin bolǵanyn qalaımyn. Osy aıqastan tapqan árbir pennıimdi ákeme beremin. Ózim bir tıyn da alǵym kelmeıdi. Men rıngke shyǵyp, álemniń qatelesip jatqandyǵyn jáne ózimniń qaýqarymdy dáleldegim keledi jáne bul úshin Golovkınniń mańynan jaqsy oryn joq. Bul meniń tula boıymdaǵy alaý otyn odan ári tutandyrady. Keshe Djeıkobspen bolǵan aıqasty kórdim. Men Golovkındi renjitip, jeńiske jetemin dep oılaımyn. GGG-di jeńýdiń jolyn bilemin, sondyqtan aıqasty sońyna deıin kórgen joqpyn», - dep atap ótti Sonders.
«Golovkınge qarsy turý úshin aqyldy bolý kerek. Ol men sekildi sheber boksshymen judyryqtaspaǵanyna senimdimin, - dedi Sonders.
«Oǵan aıtar sálemim: sen barlyq belbeýdi qalaıtynyńdy aıta berýiń múmkin. Alaıda, endi ne áreket etetin ýaqyt keldi. Sen menimen maýsymda jekpe-jekke shyǵatynyń nemese shyqpaıtynyń týraly naqty sheshim qabyldaýyń kerek. Meniń esimimdi atap ótipsiń, sondyqtan men aıqasýǵa qýana kelisim beremin. Ýaqyt joǵaltpaı, iske kiriseıik».
