Sonders GGG dopıng qabyldaıdy degen emeýrin jasady
ASTANA. QazAqparat - Ulybrıtanııalyq boksshy Bıllı Djo Sonders (24-0, 12 KO) Gennadıı Golovkınniń dopıng qabyldaıtynyna emeýrin jasady, dep xabarlaıdy QazAqparat tilshisi.
«Golovkınniń sońǵy jekpe-jegin alyp qaraıyqshy, sonda ol myqty Golovkın bola almady, eki-úsh jyl buryn bolǵan kúshin kórsete almady. Ol qartaıdy, qımyly da baıaýlaı bastady. Sol jekpe-jektiń aldynda bes birdeı dopıng-testten ótti. Sol sebepti óziniń tolyq qarym-qabiletin kórsete almady. Buǵan deıin qansha adamdy nokaýtqa túsirdi. Qarsylasyn bastan uryp qulatty. Sonda óziniń qoly synǵan da joq. Ózi de qanshama soqqyny qabyldap, qyńq etpedi. Al Djeıkobspen bolǵan kezdesýde qarapaıym adam bolyp shyqty. Bul ádil jekpe-jek boldy. Menińshe, Amerıkanyń boksshylary kóp steroıdtardy qabyldaıdy. Endi, ol - meniń jeke pikirim», - deıdi Sonders.
Aıta keteıik, 8 shildede ulybrıtanııalyq boksshy óziniń WBO belbeýin qorǵamaqshy. Osy jekpe-jekten keıin ol Golovkınmen, ıa bolmasa, Alvarespen kezdesýdi qalaıdy . Ol jaıynda ulybrıtanııalyq boksshynyń promoýteri Frenk Ýorren de aıtyp otyr . GGG-diń promoýteri Tom Lefflerdiń aıtýynsha, Golovkın sońǵy belbeýdi jeńip, absolıýttik chempıon atanǵandy qalaıdy.
