Sónbegen temeki tuqyly eki qaraǵandylyqtyń ajalyna sebepshi boldy
QARAǴANDY. QazAqparat - Qaraǵandyda óshpeı qalǵan temeki tuqylynyń saldarynan jeke úıde órt shyǵyp, eki er adam qaza tapty, dep habarlaıdy QazAqparat tilshisi.
Óńirlik TJD málimetinshe, saǵat 8.21-de Shet kóshesindegi 89 úı órtenip jatqany jóninde habar kelip túsken. Órt sóndirýshiler kelgen kezde 3 bólmeli bir qabatty úıdiń aǵash tóbesi, jıhazdar, zattar, esikteri men terezeleri janyp jatqan.
Órt 20 sharshy metrdi sharpyǵan. Jalyndy sóndirý kezinde úıden 54 jáne 59 jastaǵy er adamnyń denesi tabyldy.
Órttiń shyǵýyna otty abaısyz qoldaný - mas kúıde temeki shegý sebep bolǵan.
Aıta keterligi jyl basynan beri Qaraǵandy oblysynda 1 195 órt tirkelip, 28 adam qaza tapty.
