Son Paskal ZHOL ánine beınebaıan túsirdi
ALMATY. QazAqparat - Italıandyq ánshi Son Paskal ZHOL ánine beınebaıan túsirdi. Bul týraly QazAqparat tilshisine PR-maman Janna Prashkevıch aıtty.
Mýzyka ıtalıandyq dıdjeı Jurij-ben birigip jazylǵan.
Beınebaıan Lanzarot (Kanar araldary, Ispanııa) aralynda túsirilgen. Aral výlkandardyń atylýynan qalyptasqan. Jańa týyndy ánshiniń óz eline, týǵan jerine degen saǵynyshyn kórsetedi. Alaıda, ánshige jolyn jalǵastyrýǵa týra keledi. Negizgi ándi jas kompozıtor, ánshi mýltıınstrýmentalıst Ásııa Ospanova men Son Paskal oryndaıdy. Ol qazir Qazaq ulttyq óner akademııasynda fortepıano klasynda oqyp jatyr. Qobyzdyń partııasyn osy akademııanyń stýdenti Іlııas Sharmoldanov oryndaıdy. «Osy aralda jer ǵalamsharyna tán emes keremet landshaftardy kórdik. Ózge planetada júrgendeı kúı keshtik. Beınejumysta biz kometalardyń shabýylyn kórsettik. Negizgi ıdeıa qorshaǵan ortaǵa uqyppen qarap, óz jolyńdy adaspaı tabýdy kórsetedi», - dedi ánshi Son Paskal. Jańa beınebaıannyń tusaýy Gakký-TV arnasynda kesildi.
«Sapaly, otandyq mýzykalyq ónimder bizdiń arnada úlken qoldaýǵa ıe bolady. Olar jıi rotatsııalanady. Jaqsy jumystar reıtıng kóteretini belgili. Ol sandardan-aq baıqalady», - dedi GAKKU arnasynyń bas prodıýseri Tımýr Balymbetov.
