Son Paskal qazaqqa kúıeý bala bolýǵa daıyndalyp júr (FOTO)
ALMATY. QazAqparat - Belgili ıtalıandyq ánshi Son Paskal YURT atty jańa ánjınaǵyn shyǵardy. Jańa jınaqqa 4 qazaqtyń halyq áni men 3 avtorlyq án kirgen.
Ánshi óz týyndylaryn Nurlan Shaýrbekovpen birge jazǵan. Bir án aǵylshyn tilinde jazylǵan.
Qazaq ánderin itunes, spotify, deezer onlaın-servısterinen tyńdaýǵa bolady.
Ánshiniń shyǵarmashylyǵynda qazaq tyńdarmandaryna degen baǵyt uzaq úzilisten soń paıda boldy.
Kóptegen BAQ ókilderi Son Paskaldiń Qazaqstannan ketkenin jazǵan bolatyn. Ánshi bul qaýesettiń bárin joqqa shyǵardy.
«Meniń jan-júregim qazaq. Men ózimniń ǵashyǵymdy Qazaq jerinde taptym. Qazir qazaqqa kúıeý bala bolýǵa daıyndalyp júrmin», - dedi S.Paskal.
Bıyl jazda ıtalıandyq ánshi óziniń jańa án tobymen qazaq óńirlerin gastroldik saparmen aralap shyqpaq.
