Somasy 2 mln. teńgeden asatyn avıatsııalyq kerosın urlaǵandar ustaldy
ASTANA. QazAqparat - Shymkent stansasyndaǵy Іshki ister jelilik basqarmasyna 11 tamyzda JShS-lardyń biriniń dırektorynan somasy eki vagon-tsısternadan avıatsııalyq kerosın urlaǵan belgisiz bireýlerge qatysty shara qoldaný týraly habarlama kelip túsken.
Shymkent stansasyndaǵy ІІJB Krımınaldyq polıtsııa bólimi qyzmetkerleriniń Kóliktegi ІІD-niń Uıymdasqan qylmysqa qarsy kúres basqarmasy qyzmetkerlerimen birlese otyryp, jedel-izdestirý sharalaryn júrgizý barysynda kelesideı derekter anyqtaldy: 5 tamyz kúni Qazyǵurt stansasyndaǵy ÁTJK kúzetshisi men Shymkent stansasyndaǵy manevrlik dıspetcher manevrlik mashınıstpen sóz baılasa otyryp, tuıyq jolǵa avıatsııalyq kerosıni bar 2 tsısternany alyp shyǵyp, odan 22 tonnadan astam suıyq otyn urlaǵan.
Keltirilgen shyǵyn 2 mıllıon 453 myń teńgege baǵalanyp otyr. Atalǵan derek boıynsha sotqa deıingi tergeý amaldary jalǵasýda, dep habarlaıdy Kóliktegi ІІD baspasóz qyzmeti.
