Somalılyq qaraqshylar segiz úndi kemesin basyp aldy
ASTANA. Naýryzdyń 30-y. QazAqparat - Somalılyq qaraqshylar segiz úndi kemelerin qarmaqqa túsirgeni jaıly úndi telearnasynyń Times Now saıtynda habarlanǵan. Jalpy sany 120 teńizshi tutqyndaldy. Kemeler Somalıden shyǵyp Dýbaıǵa jol tartqan. Olar aılaqtan shyqqannan keıin az ýaqyttan soń qolǵa túsken. Qaraqshylar áli eshqandaı talaptar qoımady.
Úndi Teńiz áskerı kúshteridegi derekkózder kemeniń tutqyndalǵany jaıly aqparatty rastady. Áskerıler qaraqshylarmen kelissóz júrgizip, teńizshilerdi bosatyp alýǵa kúsh salyp jatyr. Tutqyndalǵan teńizshilerdiń týystary jýrnalısterge úkimetten kómek suraǵandaryn aıtty.
Biraz ýaqyttan soń kenııalyq teńiz-áskerı kúshterine segiz kemeniń bireýiniń ekıpajymen baılanysqa shyǵýǵa múmkindik bolǵan. Teńizshiler Seıshel araldaryndaǵy aılaqqa kelip toqtaǵandaryn habarlady. Basqa da telearnalardyń aqparat kózderine júginetin bolsaq, qalǵan kemeler áli de tutqyndalǵan aýmaqta júr.
Úndi kemeleriniń tutqyndalǵanyna baılanysty áskerıler Aden shyǵanaǵy men Seıshel araldaryndaǵy aýmaqty kúzetýdi qatań baqylaýǵa alatynyn habarlady. Naýryzdyń 29-ynda Aden shyǵanaǵynda panamalyq Iceberg International Ltd. kompanııasynyń "Aısberg 1" júk kemesi, 24 ekıpajymen qaraqshylar qolyna túsken bolatyn. Qaraqshylar munda da tólem jaıly eshqandaı talaptar bildirmegen.
