Somalıdiń áýejaıynda tekserý kezinde noýtbýk jaryldy
ASTANA. Somalıdiń Beledýeın qalasyndaǵy jarylystan bes adam zardap shekti. Polıtsııanyń málimetinshe, tekserýge alynǵan rentgen mashınadaǵy noýtbýk jarylǵan. Bul týraly Bı-Bı-Sı agentigi habarlaıdy.
«Noýtbýk rentgen mashınamen tekserý kezinde jaryldy, tekserý qyzmeti budan basqa taǵy da eki jarylǵyshty zararsyzdandyrdy. Onyń biri prıntrge jasyrylǵan. Oqıǵadan alty adam jaraqat aldy, onyń ekeýi polıtseı», - dedi polıtsııa ókili Ábı Dhý Ábdı.
Júkti tekserýdi Afrıka odaǵynyń beıbitshilik kúshteri, sondaı-aq Somalıdiń qaýipsizdik kúshteri júrgizgen.
Eske sala ketsek, aqpanda «Ash-Shabab» lańkester uıymy eldiń astanasy Mogadıshoǵa apatty jaǵdaıda qonǵan jolaýshylar ushaǵyndaǵy jarylysty uıymdastyrdyq dep málimdegen bolatyn.
Quqyq qorǵaýshylar sol joly da noýtbýk jaryldy degen boljam jasap otyr.
