Somalıdi shegirtke basyp qaldy: Elde - tótenshe jaǵdaı
PRETORIıA. QazAqparat – Somalıde shóldegi shegirtkelerdiń qaptap ketýine baılanysty tótenshe jaǵdaı engizildi. Bul týraly QazAqparat osy eldiń Garowe jańalyqtar portalyna silteme jasap habarlaıdy.
Tótenshe jaǵdaıdy Somalıdiń Aýyl sharýashylyǵy mınıstrligi jarııalady, eldiń ońtústik aýdandaryndaǵy jaǵdaı aýyr.
Óz kezeginde, BUU Azyq-túlik jáne aýylsharýashylyq uıymy (FAO) sońǵy kúnderi Somalı jaǵalaýyna túsken jel men jańbyr shóldegi shegirtkeniń kúrt kóbeıýine jaǵdaı jasaǵanyn eskertti. «Jándikter basqa aýdandarǵa tez taralýda, bul - jerdi ónimsiz qaldyrý qaýpin týyndatyp otyr», - delingen FAO málimdemesinde.
Afrıkandyq shegirtke –jándikter túriniń ishindegi eń qaýipti zııankes. Qurǵaqshylyq jaǵdaıda ash qalý qaýpi týyndasa, bular sany ondaǵan mıllıonǵa jetetin úlken top qurap, azyq izdeıdi. Bul jándikterdiń ordalary táýlik ishinde 150 shaqyrymǵa deıin joldy artta qaldyrady, al jolynda kezdesken ósimdiktiń bárin jep, typ-tıpyl etedi.
