Somalıdegi jarylystan qaza tapqandar sany 276 adamǵa jetti
ASTANA. QazAqparat - Senbi kúni Somalı astanasy Mogadıshoda bolǵan jarylystan kem degende 276 adam ajal qushyp, 300-deı turǵyn japa shekti, dep habarlaıdy TASS.
Buǵan deıin 53 adamnyń qaza taýyp, 60-y jaralanǵany týraly habar taraǵan edi.
Eldiń federaldy bıliginiń aqparat mınıstri Abdırahman Omar Osmannyń aıtýynsha, el astanasyndaǵy Hodan aýdanynda júk kóligine toltyrylǵan jarylǵysh zat qonaq úı ǵımaraty janynda iske qosylǵan.
Eshbir lańkestiń uıym buny moınyna alǵan joq. Biraq el bıligi bul qastandyqty jasady dep "Ash- Shabab" lańkesterin aıyptap otyr.
