Somalıdegi jarylys: 7 adam mert bolyp, 10-y jaraqattanǵan
PRETORIıA. QazAqparat – Somalıdegi Mogadıshodaǵy jarylys saldarynan kem degende jeti adam opat boldy, on adam jaraqattandy, dep habarlaıdy QazAqparat Bloomberg agenttigine silteme jasap.
Agenttiktiń málimetinshe, Mogadıshonyń basty trassalarynyń boıyndaǵy baqylaý-ótkizý pýnktiniń janynda jarylǵysh zat toltyrylǵan avtokólik jarylǵan. Agenttik atap ótkendeı, jarylys aldynda polıtsııa kólikke oq jaýdyrǵan.
Óz kezeginde Garowe portaly avtokólik Somalı prezıdentiniń rezıdentsııasy men parlament ǵımaratynyń janynda jarylǵanyn aıtady. Ázirge bolǵan oqıǵa úshin jaýapkershilikti eshkim moınyna alǵan joq.
Foto: REUTERS/Feisal Omar
