Somalıdegi BUU ókildiginiń janynda jarylys boldy
ASTANA. QazAqparat - Somalıdegi Birikken ulttar uıymynyń ókildiginiń janynda sodyrlar shaǵyn avtobýsty jaryp jiberdi, dep jazady 24.kz.
Lańkestik áreketten 9 adam qaza taýyp, taǵy altaýy jaraqat alǵan.
Polıtsııanyń málimdeýinshe, ekstremıster kólik ótetin jerge bombany aldyn ala jasyryp qoıǵan. Qurbandar arasynda 2 Kenııa, 7 Somalı azamaty bar. Olardyń 4-eýi ıÝNISEF qorynda jumys istegen eken. Taǵy 4 qyzmetker aýyr halde jatyr. Lańkestik áreketti atyshýly «Ál-Kaıdamen» baılanysty «Ash-Shabab» radıkaldary óz moınyna aldy.
