Somalıde qýatty jarylys boldy
MOGADIShO. ANADOLY – QazAqparat – Somalıdiń ońtústigindegi Hırshabel shtatyna qarasty Djoýhar qalasynda tanymal «Nýr Dob» qonaqúıi mańynda bomba qoıylǵan kólik jaryldy.
Jarylys saldarynan birneshe adam jaraqattandy, dep habarlaıdy QazAqparat Túrkııanyń Anadoly agenttigine silteme jasap.
Bul qonaqúıge Hırshabel ákimshiliginiń joǵary laýazymdy sheneýnikteri jıi keledi.
Málim bolǵanyndaı, zardap shekkenderdiń arasynda Hırshabel shtatynyń Densaýlyq saqtaý mınıstri bar.
Djoýhar Hırshabel shtatynyń ákimshilik ortalyǵy sanalady. Ol el astanasy Mogadısho qalasynan soltústikke qaraı 90 km qashyqtyqta ornalasqan.
Oqıǵanyń kýágerleri jarylys kórshiles ǵımarattarǵa da zaqym keltirgenin aıtady.
Olardyń sózinshe, bul Somalıde sońǵy ýaqytta bolyp otyrǵan úlken jaısyz oqıǵalardyń biri.
Jarylysty eshbir terrorlyq uıym moınyna almady. Aldyn ala boljam boıynsha teraktiniń artynda «Ál-Qaıdamen» tyǵyz baılanysy bar «Ash-Shabab» uıymy turýy yqtımal.
Foto: aa.com.tr