Somalıde qonaqúıge shabýyl saldarynan keminde 12 adam kóz jumdy
ASTANA. QazAqparat - Jeksenbi kúni lańkesterdiń Somalı astanasy Mogadısho qalasyndaǵy Sahafi qonaqúıine jasalǵan shabýyly saldarynan kem degende 12 adam qaza tapqan. Bul týraly France Presse agenttiginen habarlaıdy.
Buǵan deıin jeksenbide BAQ qonaqúı ǵımaratynyń qasynda birinen soń biri jarylǵan eki mınalanǵan kólik týraly habarlanǵan edi. Qaskúnemder odan keıin ǵımaratqa kirip, polıtsııamen atys-shabysqa túsip, keıinnen shatyrdan oq ata bastady.
Bul qonaqúıge memlekettik sheneýnikterdiń jıi toqtaıtyny atap ótilýde.
Lańkestik áreket úshin jaýapkershilikti óz moınyna "Ash-shabab" radıkaldy ıslamdyq toby alyp otyr.
Foto EPA
