Somalıde qaqtyǵystar saldarynan 150-den astam adam qurban boldy
ASTANA. Qańtardyń 13-i. QazAqparat - Somalıde jaýlasqan eki ıslamshyl toptardyń arasyndaǵy qaqtyǵystardyń saldarynan 150-den astam adam qurban boldy.
Bul týraly seısenbi kúni jýrnalısterge BUU-nyń Bosqyndar jónindegi joǵarǵy komıssary basqarmasynyń jergilikti keńsesinen málim etti, dep habarlaıdy ITAR-TASS agenttigi.
«Qaqtyǵystar oryn alǵan aımaqtarda jumys isteıtin úkimettik emes uıymdardan alynǵan málimetter boıynsha, Galgadýd provıntsııasyndaǵy Dýsamareb qalasynda bolǵan soǵystyń saldarynan 150-den astam beıbit azamat qaza tapty jáne taǵy 7 myńǵa jýyq adam baspanasyz qaldy. Qańtardyń 2-sinen beri jalǵasyp kele jatqan qaqtyǵystar radıkaldyq «Ash-shabab» toby men «Ahla Sýnna Valjamaka» qozǵalysynyń arasynda oryn alýda.
«Qaýipsizdiktiń jetkiliksizdiginen biz bosyp júrgen halyqqa kómek kórsete almaı otyrmyz, biraq olarǵa azyq-túlikter, dári-dámekter men taza sý jetkizý úshin jergilikti úkimettik emes uıymdarmen tyǵyz jumys istep jatyrmyz», - dep habarlady BUU-nyń Bosqyndar jónindegi joǵarǵy komıssary basqarmasynyń jergilikti keńsesinen.
