Somalıde eski bombanyń qaldyqtary jarylyp, 22 bala mert boldy
LONDON. QazAqparat - Somalı ulttyq aqparat agenttiginiń habarlaýynsha, juma kúni Somalıdiń Tómengi Shabelle aımaǵynda eski bombanyń qaldyqtary jarylyp, kem degende 27 adam qaza tapqan. Marqumdardyń kóbi - balalar, dep habarlaıdy CNN.
SONA agenttiginiń habarlaýynsha, jarylystan keminde 53 adam jaralanǵan.
«Oqıǵa Tómengi Shabelle aımaǵynyń shyǵysyndaǵy Janaale aýdany Mýrale aýylynda boldy» delingen habarlamada.
Anadoly agenttigi habarlaǵandaı, jergilikti bılik ókili jarylystyń balalar oınap júrgen saıabaqta bolǵanyn málimdegen.
Bılik jarylysqa «Ash-Shabab» terrorıstik uıymy jaýapty dep sanaıdy.
«Ash-Shabab» sodyrlary óz kezeginde Afrıka odaǵy bitimgershilik mıssııasynyń sarbazy tastap ketken qol granatasy jarylǵanyn aıtty.
