Somalıde eki táýlikte ashtyqtan 100-den astam adam qaıtys boldy
ASTANA. QazAqparat - Somalıde qýańshylyqtyń saldarynan bolǵan ashtyqtan sońǵy eki kúnde keminde 110 adam qaıtys boldy. Bul týraly eldiń Premer-Mınıstri Hasan Alı Haıre jarııa etti dep jazady Associated Press.
Bılik ókilderi qaıtys bolǵan azamattar týraly málimetterdi 28 aqpannan beri Somalıde tótenshe jaǵdaı jarııalanǵan soń jarııa ete bastaǵan. Premer-Mınıstr eldiń ońtústik batysyndaǵy Baı óńirindegi jaǵdaı boıynsha ǵana málimetterdi jarııa etti.
BUU-nyń baǵalaýlary boıynsha, Afrıka aımaǵynda óńirdi jaılaǵan ashtyqtan 5 mıllıonnan astam adam kómekti qajet etip otyr.
Aıta keteıik, Somalıde 2011-2012 jyldary bolǵan ashtyq kezinde eldiń 250 myńnan astam turǵyny qurban boldy.
