Somalıde depýtat keńsesiniń janynda bolǵan eki jarylystan 15 adam qaza tapty
PRETORIıA. TASS–QazAqparat – Somalıdiń Mahas qalasynda sársenbi kúni federaldy parlament depýtaty keńsesiniń janynda mına qoıylǵan eki avtokólik jarylyp, 15 adam qaza tapty. Bul týraly Somali Guardian jańalyqtar portaly málimdegen, dep habarlaıdy QazAqparat TASS agenttigine silteme jasap.
Olardyń dereginshe, mert bolǵandar tiziminde resmı tulǵalar da bar.
Somalılik Garowe portaly bul jankeshti lańkesterdiń isi dep habarlady. Bılik ókilderi jarylysqa «Ash-Shabab» tobyn aıyptap otyr.
Mahas qalasy Somalıdiń ortalyq bóliginde, Hıran oblysynda, Mogadıshodan soltústikke qaraı 300 shaqyrym jerde ornalasqan.
«Ash-Shabab» Somalıde 2004 jyly paıda boldy. Onyń músheleri 2008 jyldan beri jarylys uıymdastyryp, kútpegen jerden shabýyl jasap keledi.
2010 jyly bul top eldiń kóp bóligin baqylaýda ustady, biraq 2011 jyldyń jazynda Mogadıshony tastap, el úkimeti men olardyń jaqtastaryna qarsy partızan kúresine kóshýge májbúr boldy.
2012 jyldyń aqpanynda «Ash-Shabab» basshylarynyń biri «Al-Kaıda» (QR, RF jáne basqa da birqatar elde tyıym salynǵan) terrorıstik uıymyna qosylǵandaryn málimdedi.
Derekter boıynsha, «Ash-Shabab» quramynda 10 myń ásker bar.
Foto: globallookpress.com
