Somalıde avtobýs jarylyp, 18 adam qaza tapty
ASTANA. QazAqparat - Somalı astanasy Mogadısho mańynda jol boıyndaǵy mınadan mıkroavtobýs jarylyp, 18 adam qaza tapty, dep habarlaıdy Reıter agenttigi polıtsııaǵa silteme jasaı otyryp.
Agenttiktiń habarlaýynsha, oqıǵa beısenbi kúni Lafole qalasynda bolǵan.
«Mıkroavtobýsta bolǵan barlyq 18 adam ajal qushty», dep málimdedi polıtsııa ókili.
RIA Novostı atap ótkendeı, Somalıde «Ál-Kaıda» halyqaralyq terrorıstik uıymymen tyǵyz baılanysty "Ash-Shabab" ("Jas modjahedter qozǵalysy") radıkaldy ıslam toby órken jaıyp keledi. "Ash-Shabab" Somalıdiń ortalyq úkimetine jáne BUU gýmanıtarlyq qyzmetine qarsy qarýly kúres júrgizip keledi. Bul top 2008 jyly AQSh-ta terrorıstik uıymdar tizimine engen jáne memleket aýmaǵynda sanktsııalanǵan.
