Somalıde «Ash-Shabab» terrorıstik uıymynyń 14 sodyry joıyldy

ASTANA. KAZINFORM — Somalı ulttyq armııasy janyndaǵy «Danab» arnaıy jasaǵy Djýbalend provıntsııasynyń tómengi Kýbbe aýdanynda áýe operatsııasyn júrgizip, «Ash-Shabab» terrorıstik uıymynyń 14 sodyryn joıdy, dep habarlaıdy Anadoly. 

Somalı Qorǵanys mınıstrliginiń jazbasha málimdemesinde operatsııa barysynda tómengi Kýbbedegi uıym músheleri jınalǵan orynǵa soqqy jasalǵany aıtyldy.

Operatsııa nátıjesinde «Ash-Shababtyń» 14 sodyry zalalsyzdandyryldy. Azamattyq turǵyndar arasynda qurban bolǵandar tirkelmegen.

— Somalı ulttyq armııasy men «Danab» arnaıy jasaǵy «Ash-Shababqa» qarsy operatsııalardy tabandy túrde jalǵastyrady. Maqsat — el qaýipsizdigine qaýip tóndiretin elementterdi tolyq joıý, — delingen áskerdiń málimdemesinde.

2006 jyly Somalıde paıda bolǵan «Ash-Shabab» uıymy uzaq jyldar boıy Somalı úkimetine jáne halyqaralyq bitimgerlik kúshterge qarsy shabýyldar jasap keledi.

2022 jyldan bastap Somalı qaýipsizdik kúshteri halyqaralyq seriktesterdiń qoldaýymen eldiń ortalyq jáne ońtústik aımaqtarynda bul uıymǵa qarsy aýqymdy operatsııalar júrgizip keledi.

Budan buryn amerıkalyq ásker Somalıde «Ash-Shabab» pen «Islam memleketiniń» (Qazaqstanda tyıym salynǵan uıym – red.) jergilikti fılıalyna qarsy áýe shabýyldaryn kúsheıtkeni belgili boldy.