Somalıde 470 myńǵa tarta adam ashtyqtan kóz jumýy múmkin
ASTANA. 6 qyrkúıek. QazAqparat - Eger elge gýmanıtarlyq kómek jetkizilmese, Somalıde taıaýdaǵy tórt aıda 470 myńǵa tarta adam ashtyqtan kóz jumýy múmkin. Bul týraly BUU sarapshylary málimdedi, dep habarlady Bı-Bı-Sı.
BUU mamandary bul kórsetkishter artýy múmkin, óıtkeni taıaýdaǵy aılarda jaǵdaı ýshyǵa túsedi, dep atap ótti.
Búgingi tańda elde 6 «ashtyq aımaǵy» tirkeldi. BUU ókilderiniń málimetterine qaraǵanda, qazirgi kezde ashtyqtan ólgenderdiń 50 paıyzy - balalar.
Somalıge gýmanıtarlyq kómek jetkizýde qıyndyq týdyryp otyrǵan jaıt, el úkimeti men áleýmettik qyzmet oryndary sodyrlardyń baqylaýyndaǵy aımaqtarda áreket ete almaıdy.
Shildeniń basynan beri shyǵys Afrıkada sońǵy 60 jylda bolyp otyrǵan kúshti qurǵaqshylyq bastaldy. BUU málimetteri boıynsha, bul aımaqta 12 mln-ge jýyq addam azyq-túlikke muqtaj bolyp otyr, sonyń ishinde - Efıopııada - 4,8 mln., Somalıde - 3,7 mln. Kenııada - 2,9 mln. jáne Djıbýtıde - 164 myń adam ashtyqtyń zardabyn tartýda.
