Somalıde 3 birdeı jarylys bolyp, birneshe adam ajal qushty
ASTANA. 2 qańtar. QazAqparat - Somalıdiń astanasy Mogadısho qalasynda birneshe terrorlyq áreketter oryn aldy.
Sheteldikter arasynda tanymal bolǵan Jazeera qonaqúıiniń kireberisinde turǵan eki kólik jarylyp, saldarynan kem degende 10 adam qaza boldy.
Odan keıin qonaqúıdiń ózinde taǵy bir jarylys bolyp, sol jerdiń jumysshysy kóz jumdy, dep habarlaıdy Associated Press.
Atalǵan qonaqúı halyqaralyq áýejaıdyń mańynda ornalasqan. Sáni men saltanaty jarasqan bul qonaqúı jergilikti saıasatkerler men joǵary laýazymdy sheneýnikterdiń súıikti mekenine aınalǵan edi.
Ázirshe bul jarylystardy eshqandaı uıym óz moınyna alǵan joq. Polıtsııanyń boljaýynsha, bul «Ál Qaıdamen» baılanysy bar "Ash-Shabab" tobynyń isi.
