Somalı turǵyndary bankomatty birinshi ret kórdi
ASTANA. QazAqparat - Somalı astanasynda eldegi birinshi bankomat paıda boldy. Alaıda tutynýshylar apparatty paıdalanýdyń qıyndyǵyn sezinýde, sebebi olardyń kópshiligi bankomatty ómirlerinde birinshi ret kórip tur. 1988 jyly azamattyq soǵystyń bastalýyna baılanysty Somalıde bank júıesi damymaı qalǵan.
Bankomatty Salaam Somali Bank Mogadıshonyń ortalyǵyndaǵy qonaq úılerdiń birinde ornatqan. Qurylǵy tek Amerıka dollaryn ǵana beredi, sebebi ulttyq valıýta - Somalı shıllıngi tez qunsyzdanyp jatyr, dep habarlady BBC News.
Birinshi bankomattyń prototıpi 1939 jyly paıda bolǵan. Ony AQSh-ta Lıýter Djordj Sımdjıan jasap shyǵarǵan. Qurylǵy aqshany qolma-qol berip otyrǵan, biraq apparat bankpen baılanysy bolmaǵandyqtan, olardy jeke esepshottan shyǵaryp tastaı almaǵan. Sımdjıan óziniń jasap shyǵarǵan qurylǵysyn City Bank of New York-ke paıdalanyp kórýge usynys jasaǵan, alaıda jarty jyldan keıin bankırler mashınany qaıtaryp berip, onyń qajettiligi joq ekenin aıtqan. Sımdjıannyń oılap tapqany 30 jylǵa jýyq umyt qaldy, ol 1960 jyldardyń sońyna qaraı qaıta óńdelip jasaldy.
Búginde álemde 2,5 mıllıonǵa jýyq bankomat jumys istep tur.
