Somalı azamaty Nur-Sultan áýejaıynda bóten pasportpen ustaldy
NUR-SULTAN. QazAqparat – Nursultan Nazarbaev halyqaralyq áýejaıynda «Nur-Sultan - Frankfýrt» baǵytyndaǵy №KS-921 reısin tekserý barysynda QR memlekettik shekarasyn Nıderlandy Koroldigi azamatynyń pasportymen kesip ótpek bolǵan Somalı azamaty ustaldy, dep habarlaıdy QazAqparat QR UQK shekara qyzmetine silteme jasap.
Shekara jasaǵy Somalı azamatynyń bet pishini sýrettegi azamatqa uqsamaıtynyn baıqap, qujatty qatań tekseristen ótkizgen. Nátıjesinde pasport oǵan tıesili emes ekeni anyqtaldy.
Qosymsha tekseris júrgizip, memlekettik shekarany zańsyz kesip ótý sebepterin anyqtaý kezinde Somalı azamatynyń elimizdegi oqý oryndarynyń birinde oqıtyn stýdent ekeni anyqtaldy. Qazaqstanǵa qazanda ushyp kelgen, qazaqstandyq vızasynyń merzimi ótip ketkendikten ózi sekildi stýdent dosynyń pasportyn paıdalanbaq bolǵan.
Somalı Respýblıkasynyń azamaty ákimshilik jaýapkershilikke tartylýy múmkin.
Foto: pinterest.com/