Somalı astanasyndaǵy jarylystyń qurbandary 80 adamnan asyp ketti
ASTANA. QazAqparat - Somalı astanasy Mogadısho ortalyǵyndaǵy joıqyn jarylystan 85 adam mert boldy, dep habarlaıdy reseılik TASS agenttigi.
Al Jazeera telearnasy jergilikti jedel járdem qyzmetine silteme jasap habarlaýynsha, qoparylystan 250 adam zardap shekken.
Al oǵan deıingi The Associated Press málimetinshe, qaza tapqandar 53, zardap shekkender sany 60-tan asyp jyǵyldy.
Eske sala ketsek, 14 qazanda eldiń astanasy ortalyǵyndaǵy Hodan aýdanynda qonaq úı janynda turǵan júk kóligi qoparylǵan. Bul - Somalıdegi sońǵy jyldardaǵy eń qurbany kóp jarylys. Shabýyldy terrorlyq uıymdardyń eshqaısysy óz jaýapkershiligine almady.
