Somalı astanasynda eki qýatty jarylys boldy
MOGADIShO. QazAqparat – Somalı astanasynda, úkimettik mekemelerge jaqyn jerde eki joıqyn jarylys boldy, dep habarlaıdy QazAqparat Euronews-ke silteme jasap.
El bıligi ondaǵan adam qaza bolǵany týraly habarlaýda, olardyń arasynda qoǵamdyq kólikter jolaýshylary, kóshede ketip bara jatqan adamdar bar.
Ekinshi jarylys oqıǵa ornyna qutqarýshylar jetken kezde oryn aldy. Aldyn ala málimet boıynsha, jarylǵysh zattyń ekeýi de kólikke ornatylǵan.
Atalǵan terakt Somalı úkimeti «Ash-Shabab» ekstremıstik tobynyń sodyrlaryna qarsy baǵyttalǵan aýqymdy operatsııa qadamyn talqylaǵan kúni boldy. Boljam boıynsha, eki jarylysty atalǵan uıym uıymdastyrdy.
Eske salsaq, bes jyl buryn Somalı astanasynyń dál osy jerinde júk kóliginiń jarylysynan 500 adam qaza bolǵan edi. Ol jolǵy lańkestik aktini de «Ash-Shabab» toby jasady.
