Soljenıtsynnyń «GÝLAG arhıpelagy» mektep baǵdarlamasyna engizildi - Reseı
ASTANA. Qazannyń 26-sy. QazAqparat - Reseıde Aleksandr Soljenıtsynnyń «GÝLAG arhıpelagy» shyǵarmasynyń oqýshylarǵa arnalǵan qysqartylǵan nusqasy basyp shyǵaryldy,
dep habarlaıdy NTV telekompanııasy.
Kitaptyń mátini tórt eseden astamǵa qysqartylyp otyr, biraq onyń mazmuny barynsha tolyq saqtaldy, dep habarlady marqumnyń jesiri. Ol jekelegen epızodtardyń jıyntyǵy túrinde emes, birizdi baıandalǵan oqıǵalar jelisi retinde saqtaldy, deıdi Natalıa Soljenıtsyna.
Stalındik qýǵyn-súrginder týraly kórkemdik-tarıhı shyǵarmany mektep baǵdarlamasyna qosý týraly buıryqqa Reseıdiń bilim mınıstri Andreı Fýrsenko byltyr qyrkúıek aıynda qol qoıǵan bolatyn. «GÝLAG arhıpelagyn» 11-shi synyp oqýshylary oqıtyn bolady.
1973 jyly shetelde basylǵan "GÝLAG arhıpelagy" romany KSRO-da tek 1989 jyly ǵana jaryq kórdi jáne buǵan deıin orta mektepte roman tek beıindik deńgeıde oqytylyp keldi. Endi bul shyǵarma orta bilimniń memlekettik bilim standarttarynyń federaldyq quramyna engizilgennen keıin, romannyń úzindilerin zertteý reseılik barlyq joǵary synyp oqýshylary úshin mindetti bolyp otyr.
