Soltústikte kóktaıǵaq bolyp, biraz óńirdi tuman basady — Qazgıdromet

ASTANA. KAZINFORM — «Qazgıdromet» RMK 1 qarasha kúngi aýa raıy boljamyn jarııalady. 

Sınoptıkterdiń boljaýynsha, el aýmaǵynyń basym bóligindegi aýa-raıyn soltústik-batys tsıklony jáne onymen baılanysty atmosferalyq frontaldy bólikter qalyptastyrady.

Osyǵan oraı, soltústikte, batysta qatty jańbyr jaýady. Ońtústik-shyǵystyń taýly aımaqtarynda, kúndiz ońtústiktiń taýly aımaqtarynda qatty jaýyn-shashyn bolady.

Respýblıka boıynsha tuman bolyp, jel kúsheıedi. Soltústik-batysta túnde kóktaıǵaq bolady.

Astana qalasy, Aqtóbe, Shyǵys Qazaqstan, Aqmola, Abaı jáne Jetisý oblystarynda azdaǵan jańbyr jaýady. Kúndizgi ýaqytta Batys Qazaqstan, Atyraý, Pavlodar jáne Qaraǵandy oblystarynda jaýyn-shashyn bolady.

Almaty, Shyǵys Qazaqstan jáne Jetisý oblystarynyń taýly aımaqtarynda qar aralas jańbyr jaýady. 

Soltústik Qazaqstan jáne Mańǵystaý oblystarynda jeldiń ekpini sekýndyna 15-20 metrge deıin jetedi.

Qyzylorda jáne Aqtóbe oblystarynda, keshke Batys Qazaqstan, Abaı oblysynyń ońtústigi, tańerteń Almaty jáne Jetisý oblystarynyń jekelegen aýmaqtarynda tuman bolady. 

Aldaǵy aptadan bastap el aýmaǵynda aıaz, boran, kóktaıǵaq bolady.