Soltústikke qonys aýdarý: jymqyrylǵan qarjyǵa qatysty Eńbek jáne halyqty áleýmettik qorǵaý mınıstrligi málimdeme jasady
ASTANA. KAZINFORM – Bas prokýratýranyń Soltústik óńirlerge qonys aýdarý baǵdarlamasyn iske asyrýda anyqtaǵan urlyq faktilerine qatysty QR Eńbek jáne halyqty áleýmettik qorǵaý mınıstrligi málimdeme jasady.
«QR Eńbek jáne halyqty áleýmettik qorǵaý mınıstrligi Azamattardy ońtústikten soltústik óńirlerge óz erkimen qonys aýdarý baǵdarlamasyna bólingen memlekettik qarajattyń jumsalýyn taldaý kezinde QR Bas prokýratýrasy anyqtaǵan ony teris paıdalaný jáne urlaý faktileri boıynsha kelesini habarlaıdy. Bul buzýshylyq faktilerin alǵash ret Eńbek mınıstrliginiń qyzmetkerleri 2023 jyldyń qyrkúıeginde anyqtaǵan bolatyn, ol jóninde jergilikti atqarýshy jáne qadaǵalaý organdarynyń ókilderi der kezinde habardar etildi. Budan basqa, aldaǵy ýaqytta mundaı jaǵdaılardyń aldyn alý maqsatynda Eńbekmıni 2023 jyly qoldanystaǵy NQA-ǵa qajetti túzetýler engizildi», — delingen habarlamada.
2024 jyldyń 12 qyrkúıeginde QR Bas prokýratýrasy Azamattardy ońtústikten soltústik óńirlerge óz erkimen qonys aýdarý baǵdarlamasyn iske asyrýǵa bólingen memlekettik qarajattyń jumsalýyna júrgizilgen taldaý nátıjeleri týraly habarlady.
Qadaǵalaý organynyń derekteri boıynsha jalǵan qujattardy paıdalana otyryp, azamattardyń jalǵan qonys aýdarýn rásimdeý jolymen 1 mlrd teńgeden astam qarjyny maqsatsyz paıdalaný men urlaý faktileri anyqtalyp otyr.
«Prokýrorlar sotqa deıingi 20 tergeýdi bastady. Tergeý barlyq qatysýshy tulǵalardy anyqtaý, olardy jaýapqa tartý, sondaı-aq keltirilgen zalaldy óteý boıynsha sharalar qabyldaıdy. Normatıvtik aktilerdegi olqylyqtardy joıý jáne baǵdarlamanyń iske asyrylý barysyn baqylaý júıesin kúsheıtý úshin Úkimetke qadaǵalaý aktisi engizildi», — delingen QR Bas prokýratýrasynyń habarlamasynda.
QR Eńbek jáne halyqty áleýmettik qorǵaý mınıstrligi Eńbek kúshi artyq óńirlerden azamattardy óz erkimen qonys aýdarý baǵdarlamasyn iske asyrý boıynsha buzýshylyqtardy Eńbekmıni Kóshi-qon komıtetiniń qyzmetkerleri alǵash bolyp anyqtaǵanyn habarlaıdy.
«Máselen, 2023 jylǵy 1 shildeden bastap Úkimet aıqyndaǵan qonystandyrý óńirleriniń tartymdylyǵyn arttyrý maqsatynda jańa oryndaǵy turǵyn úı qunynyń 50%-na deıin mólsherinde ekonomıkalyq mobıldilik sertıfıkattary boıynsha aqshalaı tólemder júzege asyryla bastady. Sol jyldyń qyrkúıeginde Eńbekmıni berilgen 486 ekonomıkalyq mobıldilik sertıfıkattary boıynsha keshendi taldaý júrgizdi. 2023 jylǵy 15 qyrkúıekte ákimdikterdiń tıisti sharalar qabyldaýy úshin qonystandyrý óńirlerine qymbat baǵamen turǵyn úı satyp alýdyń anyqtalǵan faktileri boıynsha eskertýler jiberildi», — dep habarlady vedomstvodan.
Sol jyldyń 19 qazanynda Eńbekmıni qonystandyrý óńirlerine ekonomıkalyq mobıldilik sertıfıkattaryn iske asyrýǵa turaqty taldaý júrgizý, sondaı-aq satyp alynatyn turǵyn úıdiń qunyn onyń naryqtyq baǵalarǵa sáıkestigine salystyryp tekserý júrgizý qajettiligi týraly hat qaıta joldandy.
2023 jyldyń qazan aıynan bastap Eńbekmıni qonys aýdarýshylar satyp alatyn turǵyn úıdi mindetti baǵalaý týraly talaptardy kózdeıtin NQA-ǵa túzetýler engizý boıynsha jumys júrgizdi. Bul ózgerister 2023 jylǵy 29 jeltoqsanda kúshine endi.
2024 jylǵy 30 mamyrda Jumys kúshiniń mobıldiligin arttyrý úshin adamdardy erikti túrde qonys aýdarý qaǵıdalarynyń turǵyn úı satyp alý jáne satý bóliginde qosymsha kúsheıtildi.
Erikti qonys aýdarý sharalaryn jetildirýge baǵyttalǵan zańnamalyq bastamalar normalardy qoldanýdyń praktıkalyq tájirıbesin jáne olardy iske asyrý protsesinde anyqtalǵan problemalardy eskere otyryp ázirlenetinin atap ótken jón.
«Búginde Eńbekmıni ekonomıkalyq mobıldilik sertıfıkattary boıynsha tólem tártibin odan ári jetildirýge baǵyttalǵan túzetýlerdiń úshinshi paketin ázirledi. Joǵaryda kórsetilgen qabyldanǵan normalarmen jáne Eńbekmıni ázirlegen túzetýlermen qatar 2023 jyldyń qarasha aıynan bastap beıimdeý jáne ıntegratsııalaý jónindegi qyzmetter protsesterin tehnıkalyq jaqsartý boıynsha jumys júrgizildi», — delingen habarlamada.
Máselen, Shyǵys Qazaqstan jáne Pavlodar oblystarynda 2023 jylǵy qarashadan 2024 jylǵy naýryzǵa deıin kelgen qonys aýdarýshylar men qandastardyń otbasylaryn beıimdeý jáne ıntegratsııalaý boıynsha pılot ótkizildi. Kelgen otbasylardy sapaly beıimdeý jáne ıntegratsııalaý maqsatynda kórsetiletin qajetti qyzmetterdiń 25 túri anyqtaldy. «FSM Expert» mobıldi qosymshasy arqyly qandastar men qonys aýdarýshylar otbasylaryn súıemeldeý boıynsha monıtorıng engizildi. Eńbekmıni pılottyń qorytyndysy boıynsha onyń nátıjelerin masshtabtaý maqsatynda qandastardy beıimdeý jáne ıntegratsııalaý boıynsha jańa algorıtm qabyldandy.
Sonymen qatar «Eńbek naryǵy» avtomattandyrylǵan aqparattyq júıesinde qonys aýdarýshylar men qandastar boıynsha eseptilikti túsirýmen jańa fýnktsıonal engizildi, olar qonystaný óńirlerinen óz betinshe ketip, ońtústik óńirlerge oralady.
Jalpy, Eńbekmıni júrgizgen joǵaryda atalǵan jumystar turǵyn úı satyp alýmen sybaılas jemqorlyq táýekelderin joıýǵa baǵyttalǵan. Alaıda, másele jergilikti atqarýshy organdar tarapynan saqtalýda.
Sonymen birge osy jyldyń 22 aqpanynda Eńbekmıniniń basshysy Svetlana Jaqypovanyń Pavlodar oblysyna jumys sapary barysynda óńir ákimi Asaın Baıhanovtyń tóraǵalyǵymen ótken oblys aktıviniń, onyń ishinde prokýratýra ókilderiniń qatysýymen bolǵan keńeste EHÁQM Kóshi-qon komıteti tóraǵasynyń sóılegen sózinde Pavlodar oblysynda qonys aýdarý baǵdarlamasyn iske asyrýdaǵy problemalar týraly atap ótildi, onyń ishinde úı qunyn asyra baǵalaý, týystar arasyndaǵy mámileler jáne t. b. týraly da egjeı-tegjeıli aıtyldy.
Osydan keıin Pavlodar oblysynyń prokýratýrasy qonys aýdarý baǵdarlamasy boıynsha tekserýdi bastady.
Osyǵan oraı tıisti hattardy Eńbekmıni QR Qarjy monıtorıngi agenttigine joldady.
Osylaısha, QR Eńbek jáne halyqty áleýmettik qorǵaý mınıstrligi sybaılas jemqorlyq táýekelderin boldyrmaý boıynsha qajetti sharalardy qabyldap, olardyń aldyn alý úshin tıisti jumystardy júrgizip jatyr.
Eske sala keteıik, buǵan deıin Ońtústikten soltústikke qonys aýdarý arqyly 1 mlrd teńgeden astam qarajat jymqyrylǵanyn jazǵan bolatynbyz.