Soltústik jáne shyǵys óńirler gazben qashan qamtylady

ASTANA. KAZINFORM — Úkimet otyrysynan keıingi brıfıngte Energetıka mınıstri Erlan Aqkenjenov elimizde aımaqtardy gazben qamtý sharalary jóninde málimdedi.

gaz
Foto: Pexels

Onyń sózinshe, bıyl Qazaqstandaǵy gazdandyrý úlesin 64,5%-ǵa jetkizý josparlanyp otyr. Ázirge respýblıkanyń soltústik jáne shyǵys oblystary gazben qamtylmaǵan. Mınıstrlik osy baǵytta jumys istep jatyr.

Jeke úılerge órt jáne ýly gaz datchıkterin ornatý jumystary qalaı júrip jatyr
Foto: Aǵybaı Aıapbergenov/Kazinform

— Memleket basshysy Joldaýynda gazdandyrý kórsetkishin 80%-ǵa jetkizý mindetin qoıdy. Bul tapsyrmany Energetıka mınıstrligi oryndap jatyr. Aldaǵy jyldarda atqarylady. Bul úshin ótken jyly «QazaqGaz» jáne «Gazprommen» «Esil-Astana» gaz qubyry jelisin salý jóninde memorandým jasaldy. Bul joba soltústik óńirlerge gaz jetkizýge múmkindik beredi. Odan ári shyǵysqa gaz tartý jaıynda kelissózder júrgizip jatyrmyz. Osy jumystar gazdandyrý deńgeıin 80%-ǵa jetkizedi, — dedi mınıstr.

Aıta keteıik, buǵan deıin gaz salasynda aýdıt júrgizilip, 24,1 mlrd teńgege zań buzýshylyq tirkelgenin jazǵanbyz.