Soltústik teńizindegi kemelerdiń soqtyǵysýyna qatysty 59 jastaǵy er adam ustaldy

ASTANA. KAZINFORM – Ulybrıtanııada 59 jastaǵy er adam Anglııa jaǵalaýynda tanker men júk kemesi soqtyǵysqan coń kelesi kúni «adam óltirdi» degen aıyppen qamaýǵa alyndy, dep habarlaıdy Euronews.

Bul týraly seısenbi kúni polıtsııa habarlady.

Solong kemesi áli janyp jatyr, ekıpajdyń bir múshesi iz-túzsiz joǵalǵan. Teńiz kóligi jónindegi memlekettik hatshy Maık Keınniń málimetinshe, Stena Immaculate tankerindegi órt sóndirilgen sııaqty. Úkimet apat qazirgi ýaqytta teńiz ortasyn aıtarlyqtaı lastamaǵanyn málimdedi.

Ulybrıtanııanyń jaǵalaý kúzeti qutqarý jumystaryna birneshe keme jiberdi.

Soqtyǵysý ekologııalyq apat qaýpin týdyryp otyr. Biraq júk kemesiniń ıesi, nemistiń Ernst Russ Group kompanııasy onyń konteınerlik kemesi natrıı tsıanıdin tasymaldamaǵanyn alǵa tartyp otyr, bul bastapqy aqparatqa qaıshy keledi.

- Endigi basty másele kemede áli órt bolyp jatyr ma ? Biz qazir eń aldymen kemege jaqyndap, temperatýrany ólsheýimiz kerek. Buǵan deıin kemege, ásirese konteınerlik kemege jaqyndaýǵa ruqsat etilmegen bolsa, qazir ruqsat bar. Bul ýly gazdardyń yqtımal shyǵaryndylaryna baılanysty boldy, - dedi Boskalis bas dırektory Pıter Berdoýksı.

Seısenbide premer-mınıstr Keır Starmerdiń baspasóz hatshysy bul iste qylmystyń izi bar ekenin aıtyp, qazir «senýge negiz joq» dep málimdedi.

Buǵan deıin Ulybrıtanııa jaǵalaýynda munaı tankeri men júk kemesi soqtyǵysqanyn jazǵan bolatynbyz.