Soltústik teńizde 397 adam mingen laınerdi quıyndy daýyl zaqymdady
Soltústik teńizdegi daýyl norvegııalyq krýızdik laınerdiń qozǵalysyna kedergi keltirdi – jel keme kapıtany turǵan jerdiń terezesin syndyryp, navıgatsııalyq quraldardy zaqymdady. «MIR 24» telearnasynyń aqparatyna sáıkes, 266 jolaýshy men 131 ekıpaj múshesine qazir qaýip tónip turǵan joq, dep habarlaıdy Kazinform.
Keme Norvegııadan Ulybrıtanııaǵa baǵyt alǵan, onda da sol ýaqytta daýyl kúsheıip turǵan edi. Eldiń shyǵysynda jel ekpini teńiz jaǵalaýy men Iorkshır graftyǵynyń ortalyq aýdandarynda sekýndyna 37 metrden asty.
168 áýe reısi toqtatyldy. Temirjol poıyzdary óz saparyn jalǵastyra almaı tur. Tasjoldardaǵy qozǵalys ta qıyndaǵan, keı júk kólikterin jel aýdaryp, joldan shyǵaryp jiberip jatyr.
Jel ondaǵan aǵashty qulatyp, úılerdiń shatyryn ushyrdy. Qala men aýyldarda mektepterdegi sabaq toqtady. 40 myńǵa jýyq úıde elektr qýatymen problema týyndady.
